Anders Knutsen Eraaker

Lærdal bygdebok. Bind I. Heim og ætt: Borgund sokn side 636
Opprinnelse ukjent, se nedenfor

---

Anders var komen her rundt 1610. Han er sansynleg komen frå Valdres, sidan mori "Velgjerd" budde på Kjerstein. i denne garden arva Anders 1 laup og 1 mæle etter mori. Kona til Anders hadde og arva noko i ein gard der borte. Elles hadde Anders 1/2 laup 1 1/2 mæle pantegods i Kvenshagen. Han hadde og ein part i Låi som han brukte saman med Eråker. Bruket hans hadde i 1647 ei landskyld på 1 1/2 laup, 1 pund og 6 mrk. smør, 1 hud og 5 1/2 mæle korn. Omgjort til smørskyld vart det: 2 laupar, 2 pund og 6 mrk. Av dette eigde Anders sjøl 1 pund og sonen, Anders 1/2 laup. Me veit ikkje namnet på kona, eller fleir born etter han Anders. Han arvet sin mor pa Kjerstein.

---

◦Jo Rune Ugulen: Anders på Æråker er nemnt der frå 1611 og ei tid frametter. Ei *gissing* kan inntil vidare vera at han var ein son av den Anders som er nemnt på Æråker i 1563, men eg vil understreka at det berre er ei gissing. Dersom nokon tek ein tur innom på Riksarkivet, så kan seglet hans finnast i Odelsjordeboka 1624 for Sogn. Dersom det er lesbart, kan ein kan henda finna forbokstaven i patronymet hans i seglet. Dersom det er "A" er det eit moment som stør opp under ei hypotese at far hans var Anders på Æråker i 1563.

Eg ser ingen grunn til å tru at Anders var frå Valdres. Han åtte gods i Kvenshagen i Borgund (det var pantegods), samt at han i 1616 arva 1 laupsbol i Kjerstein i Vang i Valdres, som mor hans bruka, samt 1 mælesleige i Hande i Slidre prestegjeld. Godset i Valdres var kona sin odel, og Anders tek arv på kona sine veigner (Odelsjordeboka 1624 for Sogn, fol.8a). Dette siste viser at mora (som ikkje er sagt å vera død i 1624) bruka godset i Valdres, og kan henda har ho vore gift opp att i Valdres etter å ha fått Anders i eit tidlegare ekteskap. Det er førebels uråd å seia noko sikkert om. Det er derimot mykje som tyder på at kona til Anders har vore frå Valdres. Dersom nokon har høve til å sjå i lensrekneskapane og odelsjordebøkene for Valdres, kan ein kan henda finna noko der. [2]

---

http://www.doevre.com/TNG/getperson.php?personID=I25235&tree=doevre1