Eyang Dalem Ibrohim (Mama Eyang Cipatik) RA.

Makam : Kampung Tambakan, Desa Pataruman, Cipatik Kab. Bandung Barat

Eyang Cipatik gaduh paras wajah nu luar biasa kasepna, Mantenna mah ti bubudak bolon satepak tos karamat. Kapungkur Anjeunna uninga ceuk beja di Lembur Mahmud mah sarakti, nya Anjeunna teh panasaran. Lajeng we ari Ramana nyaeta Eyang Angga Yuda RA. sok ngaos rutinan tiap ahad ka Mahmud, angkat sareng Eyang Syafi'i Cijenuk nyaeta rakana Syekh Maulana Mansyuruddin Banten. Ari angkatna teh Eyang Cipatik bari nyanyandak lodong diselendangkeun, barang tos dugi ka Mahmud, lebet ka kandang hayam eta sadaya endog hayam eusina dikalaluarkeun dilebetkeun kana lodong. Warga Mahmud geger ieu aya misteri bangsat hayam bade dipilari pelakuna, ari Eyang Cipatik sok ngangge 'Elmu ngaleungit supaya batur teu aya nu ningal. Ku saktina org Mahmud, nu bisa ngaleungit ge ngadaak teu bisaeun, akhirna Eyang Cipatik kapergok warga gening nu bangsat ndog teh Den Ibrohim (sesebatan Eyang Cipatik). Pas dikepung kitu Eyang jol ngadadak Ngaleungit, jol aya di Cipatik.
Pada lapor we ieu warga ka Eyang Dalem Mahmud R.A, saur Eyang "Keun tong dicarek, soalna Den Ibrohim mah lain Jelema Biasa."

Ahad payunna angkat deui ngiring sareng Ramana Ka Mahmud, kitu deui nyandakan endog warga, ari kitu ngadadak teu tiasa ical, naek we kana tangkal kalapa, eta tangkal kalapa dioyagkeun ku urang Mahmud dugika daun-daunna sadayana murag/rontok, lajeng we Eyang nyandak tangkai tangkal kalapa teras ngapung ngangge eta bari nyarios ka warga "udag ai bisa mah...".

Ahad lajengna deui, kitu deui ngiring ka Mahmud, ngan pas lebet kandang, endog teh sareep, aya hiji hayam nu nuju ngaluarkeun endog, didodoho ku Eyang teh kaluar we eta endog, ari pas dibuka na eta mah jol kaluar bau busuk dugika rarayna janten koneng bau kabina-bina. Anjeunna ibak di Citarum nyeepkeun sadaya 'elmu panemu' tetep teu ical eta bau. Akhirna dijajap ramana ngahadep Eyang Dalem maksadna bade minta ma'af, ari saur Eyang : "Jang.. Eta mah dosa, Wayahna kudu taubat heula, anjeun kudu masantren ka surabaya"

Tos kitu mah Eyang Cipatik angkat we nyalira ka surabaya, bari mapah, bari budak bolon satepak, teacan baligh-baligh acan. Di tengah hutan dina luhur tangkal Eyang teh hoyong ngaicalkeun heula eta bau ku cara uzlah tapa, kholwat, netepan kirang langkung 10 tahunan, nembe we angkat ka Pasantren. Bauna tos ical
Lamina Eyang Masantren +/- 50 tahunan, uih deui we ka Bandung, ngalangkungan Sumedang.

Nah kapungkur di Masjid Agung Sumedang nuju aya Musyawarah besar Para 'Ulama mecahkeun permasalahan Agama saurna tos saminggu teu aya hasil wae, Eyang Ibrohim teh nyaketan tukang Marbot didinya "mang ari eta di Masjid nuju aya naon?"
Waler we ku marbot masjidna, dijelaskeun. Tos kitu teh Eyang lajeng nyandak kertas tras nyerat duka teuing nyerat naon, teras nyarios ka amang anu tadi "mang punten ieu pangmasihankeun ka lebet", nya terasatuh ku anjeunna dipasihkeun.

Barang dibuka ku Para 'Ulama kaget sadayana ieu seratan isina kunci tina permasalahan, atuh tos terpecah we eta permasalahan teh. Lajeng milarian mana ieu nu nyerat teh, saurna teh aya itu aki-aki biasa, acuk sederhana, saurna jol masihkeun eta seratan, atuh ti harita Eyang Dalem Ibrohim dijantenkeun 'Ulama Besar di Sumedang. Ari disungkeun mh supados anjeunna netep, mung anjeunna alim, keukeuh hoyong uih we ka Cipatik. Nya we atuh di Sumedang teh aya penerusna nyaeta putrana nu namina Eyang Bukhori Sumedang RA.

Ari Eyang tos dugi Cipatik, anjeunna disungkeun janten Dalem ku Belanda, Anjeunna teh alimeun. keukeuh pemerintah belanda bade nyerbu Anjeunna ka Cipatik, saurna teu acan dugi ka Cipatik eta pasukan Belanda jol pada singsireumeun sadayana, ari maju singsireumeun ari mundur cageur. Aruih we jol marawa kuda, sami deuih teu acan dugi Cipatik eta kuda sadayana jol ngaramuk teu pguh. Atos ti dinya mh belanda nyerah moal maksa deui. Nya atuh Eyang Cipatik masrahkeun pangkat Dalemna ka rayina nyaeta Eyang Dalem 'Abdurrahman Bojong RA.